یہ دل یہ پاگل دل میرا کیاں بجھ گیا! آوارگی

❤❤❤

یہ دل یہ پاگل دل میرا کیاں بجھ گیا! آوارگی

اس دشت میں اک شہر تھا، وہ کیا ہوا؟ آوارگی

کل شب مجھے بے شکل کی آواز نے چونکا دیا

میں نے کہا! تُو کون ہے؟ اُس نے کہا! آوارگی

اک اجنبی جھونکے نے جب پوچھا میرے غم کا سبب

صحرا کی بھیگی ریت پر میں نے لکھا! آوارگی

یہ درد کی تنہائیاں یہ دشت کا ویراں سفر

ہم لوگ تو اُکتا گئے، اپنی سُنا! آوارگی

کل رات تنہا چاند کو دیکھا تھا میں نے خواب میں

محسن مجھے راس آئے گی شاید سدا آوارگی

کل شب مجھے بے شکل کی آواز نے چونکا دیا

میں نے کہا! تُو کون ہے؟ اُس نے کہا! آوارگی

اک اجنبی جھونکے نے جب پوچھا میرے غم کا سبب

صحرا کی بھیگی ریت پر میں نے لکھا! آوارگی

یہ درد کی تنہائیاں یہ دشت کا ویراں سفر

ہم لوگ تو اُکتا گئے، اپنی سُنا! آوارگی

کل رات تنہا چاند کو دیکھا تھا میں نے خواب میں

محسن مجھے راس آئے گی شاید سدا آوارگی

❤❤❤

وہ پہلی محبّت ہو تم

. بہت خوبصورت ہو تم)

بہت خوبصورت ہو تم

کبھی میں جو کہہ دوں محبت ہے تم سے

تو مجھ کو خُدارا غلط مت سمجھنا

کہ میری ضرورت ہو تم,

بہت خوبصورت ہو تم,

ہے پھولوں کی ڈالی یہ باہیں تمہاری

ہیں خاموش جادو نگاہیں تمہاری

جو کانٹیں ہوں سب اپنے دامن میں رکھ لوں

سجاؤں میں کلیوں سے راہیں تمہاری

نظر سے زمانے کی خود کو بچانا

کسی اور سے دیکھو دل نہ لگانا

کہ میری امانت ہو تم

بہت خوبصورت ہو تم,

ہے چہرہ تمہارا کہ دن ہے سنہرا

اور اس پر یہ کالی گھٹاؤں کا پہرا

گلابوں سے نازک مہکتا بدن ہے

یہ لب ہیں تمہارے کہ کھلتا چمن ہے

بکھیرو جو زلفیں تو شرمائے بادل

یہ زاہد بھی دیکھے تو ہو جائے پاگل

وہ پاکیزہ مورت ہو تم

بہت خوبصورت ہو تم,

جو بن کے کلی مسکراتی ہے اکثر

شبِ ہجر میں جو رُلاتی ہے اکثر

جو لمحوں ہی لمحوں میں دنیا بدل دے

جو شاعر کو دے جائے پہلو غزل کے

چھپانا جو چاہیں چھپائی نہ جائے

بھلانا جو چاہیں بھلائی نہ جو
وہ پہلی محبّت ہو تم

_ طاہر فراز

نہ کسی کی آنکھ کا نور ہوں نہ کسی کے دل کا قرار ہوں

نہ کسی کی آنکھ کا نور ہوں نہ کسی کے دل کا قرار ہوں

مضطر خیرآبادی

نہ کسی کی آنکھ کا نور ہوں نہ کسی کے دل کا قرار ہوں 

کسی کام میں جو نہ آ سکے میں وہ ایک مشت غبار ہوں 

نہ دوائے درد جگر ہوں میں نہ کسی کی میٹھی نظر ہوں میں 

نہ ادھر ہوں میں نہ ادھر ہوں میں نہ شکیب ہوں نہ قرار ہوں 

مرا وقت مجھ سے بچھڑ گیا مرا رنگ روپ بگڑ گیا 

جو خزاں سے باغ اجڑ گیا میں اسی کی فصل بہار ہوں 

پئے فاتحہ کوئی آئے کیوں کوئی چار پھول چڑھائے کیوں 

کوئی آ کے شمع جلائے کیوں میں وہ بیکسی کا مزار ہوں 

نہ میں لاگ ہوں نہ لگاؤ ہوں نہ سہاگ ہوں نہ سبھاؤ ہوں 

جو بگڑ گیا وہ بناؤ ہوں جو نہیں رہا وہ سنگار ہوں 

میں نہیں ہوں نغمۂ جاں فزا مجھے سن کے کوئی کرے گا کیا 

میں بڑے بروگ کی ہوں صدا میں بڑے دکھی کی پکار ہوں 

نہ میں مضطرؔ ان کا حبیب ہوں نہ میں مضطرؔ ان کا رقیب ہوں 

جو بگڑ گیا وہ نصیب ہوں جو اجڑ گیا وہ دیار ہوں

وہ عشق جو ہم سے روٹھ گیا

وہ عشق جو ہم سے روٹھ گیا، اب اس کا حال بتائیں کیا

کوئی مہر نہیں، کوئی قہر نہیں، پھر سچا شعر سنائیں کیا

اک ہجر جو ہم کو لاحق ہے، تا دیر اسے دہرائیں کیا

وہ زہر جو دل میں اتار لیا، پھر اس کے ناز اٹھائیں کیا

کوئی مہر نہیں، کوئی قہر نہیں، پھر سچا شعر سنائیں کیا

وہ عشق جو ہم سے روٹھ گیا، اب اس کا حال بتائیں کیا

کوئی مہر نہیں، کوئی قہر نہیں، پھر سچا شعر سنائیں کیا

وہ عشق جو ہم سے روٹھ گیا

اک آگ غمِ تنہائی کی، جو سارے بدن میں پھیل گئی

اک آگ غمِ تنہائی کی، جو سارے بدن میں پھیل گئی

جب جسم ہی سارا جلتا ہو، پھر دامنِ دل کو بچائیں کیا

جب جسم ہی سارا جلتا ہو، پھر دامنِ دل کو بچائیں کیا

کوئی مہر نہیں، کوئی قہر نہیں، پھر سچا شعر سنائیں کیا

وہ عشق جو ہم سے روٹھ گیا

ہم نغمہ سرا کچھ غزلوں کے، ہم صورت گر کچھ خوابوں کے

ہم نغمہ سرا کچھ غزلوں کے، ہم صورت گر کچھ خوابوں کے

بے جذبۂ شوق سنائیں کیا، کوئی خواب نہ ہو تو بتائیں کیا

بے جذبۂ شوق سنائیں کیا، کوئی خواب نہ ہو تو بتائیں کیا

کوئی مہر نہیں، کوئی قہر نہیں، پھر سچا شعر سنائیں کیا

وہ عشق جو ہم سے روٹھ گیا

اک آگ غمِ تنہائی کی، جو سارے بدن میں پھیل گئی

اک آگ غمِ تنہائی کی، جو سارے بدن میں پھیل گئی

جب جسم ہی سارا جلتا ہو، پھر دامنِ دل کو بچائیں کیا

جب جسم ہی سارا جلتا ہو، پھر دامنِ دل کو بچائیں کیا

کوئی مہر نہیں، کوئی قہر نہیں، پھر سچا شعر سنائیں کیا

وہ عشق جو ہم سے روٹھ گیا

❤❤❤

ہمیشہ دیر کر دیتا ہوں میں ہر کام کرنے میں

ہمیشہ دیر کر دیتا ہوں میں ہر کام کرنے میں 

ہمیشہ دیر کر دیتا ہوں میں ہر کام کرنے میں 

ضروری بات کہنی ہو کوئی وعدہ نبھانا ہو 

اسے آواز دینی ہو اسے واپس بلانا ہو 

ہمیشہ دیر کر دیتا ہوں میں 

مدد کرنی ہو اس کی یار کی ڈھارس بندھانا ہو 

بہت دیرینہ رستوں پر کسی سے ملنے جانا ہو 

ہمیشہ دیر کر دیتا ہوں میں 

بدلتے موسموں کی سیر میں دل کو لگانا ہو 

کسی کو یاد رکھنا ہو کسی کو بھول جانا ہو 

ہمیشہ دیر کر دیتا ہوں میں

کسی کو موت سے پہلے کسی غم سے بچانا ہو 

حقیقت اور تھی کچھ اس کو جا کے یہ بتانا ہو 

ہمیشہ دیر کر دیتا ہوں میں ہر کام کرنے میں۔۔۔۔۔ 

مُنیر نیازی ۔۔۔!!!

یہ مشغلہ ہے کسی کا ،نہ جانے کیا چاہے

نہ فاصلوں کو مٹاۓ، نہ فیصلہ چاہے

میری بساط ہے کیا میں ہوں برگِ آوارہ

اُڑا کے لے چلے مجھ کو ،جدھر ہوا چاہے

جو اصل چہرہ دکھاتا ہے ترجماں بن کر

اُس آئینے کی طرف کون دیکھنا چاہے

ہزاروں ڈوبنے والے بچا لیے لیکن

اُسے میں کیسے بچاؤں جو ڈوبنا چاہے

نہ جانے خونِ تمنا کیا ہے کس کس نے

مگر وہ شخص فقط مجھ سے خوں بہا چاہے

بھلانا چاہوں جو اس کو بھلا نہیں سکتا

یہ اور بات ہے کہ وہ مجھ کو بھولنا چاہے 

نا جانے کیا میرے صیّاد کا ارادہ ہے 

جلا چکا ہے نشیمن اب اور کیا  چاہے 

زاہد آفاق۔۔۔!!

چاند سے چہرے کا صدقہ بھی اُتارا کیجے

مشورہ ہے یہ میری جان! گوارا کیجے

ہم تُمہیں ایک نَظَر بھی نہیں اچھّے لگتے

ارے کیجئے جان یہی بات دوبارا کیجے

روشنی دِن کی اندھیروں میں سِمَٹ جاتی ہے

گھر کے آنگن میں نہ یُوں بال سنوارا کیجے

ہم تو یہ جان ہتھیلی پہ لئے پِھرتے ہیں

بَس کِسی دِن ہمیں ہلکا سا اِشارا کیجے

آپ تو مَحل نشِیں نرم مُلائم سے ہیں

جھونپڑی ہے یہ غریبوں کی گُزارا کیجے 

ہم تو راہوں میں لیے پھرتے ہیں کاسہِ دِل

حال کیسا ہے کِسی روز نظارا کیجے۔۔۔!

شاعر افضل عاجز