یہ مشغلہ ہے کسی کا ،نہ جانے کیا چاہے

نہ فاصلوں کو مٹاۓ، نہ فیصلہ چاہے

میری بساط ہے کیا میں ہوں برگِ آوارہ

اُڑا کے لے چلے مجھ کو ،جدھر ہوا چاہے

جو اصل چہرہ دکھاتا ہے ترجماں بن کر

اُس آئینے کی طرف کون دیکھنا چاہے

ہزاروں ڈوبنے والے بچا لیے لیکن

اُسے میں کیسے بچاؤں جو ڈوبنا چاہے

نہ جانے خونِ تمنا کیا ہے کس کس نے

مگر وہ شخص فقط مجھ سے خوں بہا چاہے

بھلانا چاہوں جو اس کو بھلا نہیں سکتا

یہ اور بات ہے کہ وہ مجھ کو بھولنا چاہے 

نا جانے کیا میرے صیّاد کا ارادہ ہے 

جلا چکا ہے نشیمن اب اور کیا  چاہے 

زاہد آفاق۔۔۔!!

چاند سے چہرے کا صدقہ بھی اُتارا کیجے

مشورہ ہے یہ میری جان! گوارا کیجے

ہم تُمہیں ایک نَظَر بھی نہیں اچھّے لگتے

ارے کیجئے جان یہی بات دوبارا کیجے

روشنی دِن کی اندھیروں میں سِمَٹ جاتی ہے

گھر کے آنگن میں نہ یُوں بال سنوارا کیجے

ہم تو یہ جان ہتھیلی پہ لئے پِھرتے ہیں

بَس کِسی دِن ہمیں ہلکا سا اِشارا کیجے

آپ تو مَحل نشِیں نرم مُلائم سے ہیں

جھونپڑی ہے یہ غریبوں کی گُزارا کیجے 

ہم تو راہوں میں لیے پھرتے ہیں کاسہِ دِل

حال کیسا ہے کِسی روز نظارا کیجے۔۔۔!

شاعر افضل عاجز

آپ کی یاد آتی رہی رات بھر

چشم نم مسکراتی رہی رات بھر

رات بھر درد کی شمع جلتی رہی

غم کی لو تھرتھراتی رہی رات بھر

بانسری کی سریلی سہانی صدا

یاد بن بن کے آتی رہی رات بھر

یاد کے چاند دل میں اترتے رہے

چاندنی جگمگاتی رہی رات بھر

کوئی دیوانہ گلیوں میں پھرتا رہا

کوئی آواز آتی رہی رات بھر

مخدوم محی الدین۔۔۔۔!!

اپنی تباہِیوں کا کِسی سے گِلا نہیں

یہ واردات صِرف مِرا واقعہ نہیں

اِس شہر کے ہُجُوم میں گُم ہوگئے ہیں لوگ

آواز دے رہی ہُوں کوئ بولتا نہیں

ہم نے فِراقِ یار میں گھڑِیاں گُزار دِیں

اِس مَرحلے کے بعد کوئ مَرحلہ نہیں

یہ آپ کا ہے حُکم تو اچھّا یُوں ہی سہی

ترکِ تَعَلُّقات مِرا مُدّعا نہیں

یُوں کھو گئی ہُوں رَنج و اَلَم کے غُبار میں

منزِل تو سامنے ہے مگر راستہ نہیں۔۔۔!

برکھا رانی

پھر روگوں میں چھوڑ گئے ہو

کن لوگوں میں چھوڑ گئے ہو

ہنستے ہنستے جانے والے

کیوں سوگوں میں چھوڑ گئے ہو؟

ہم کو دردوں اور دُکھوں کے

سنجوگوں میں چھوڑ گئے ہو

یہ زخموں پر ہنس دیتے ہیں

اِن لوگوں میں چھوڑ گئے ہو ؟

دیکھو مجھ کو روند رہے ہیں

جن لوگوں میں چھوڑ گئے ہو

زین شکیل ۔۔!!

Adaa Jaffri poetry

آج تک ہے دل کو اس کے لوٹ آنے کی امید

آج تک ٹھہری ہوئی ہے زندگی اپنی جگہ

لاکھ چاہا ہے کہ اس کو بھول جاؤں، پر قتیل

حوصلے اپنی جگہ ہیں، بے بسی اپنی