دیکھا جو کھا کے تیر کمیں گاہ کی گئی

چھوٹا سا منہ تھا مجھ سے بڑی بات ہو گئی

دشنام کا جواب نہ سوجھا بجز سلام

ظاہر مرے کلام کی اوقات ہو گئی

دیکھا جو کھا کے تیر کمیں گاہ کی طرف

اپنے ہی دوستوں سے ملاقات ہو گئی

یا ضربت خلیل سے بت خانہ چیخ اٹھا

یا پتھروں کو معرفت ذات ہو گئی

یاران بے بساط کہ ہر بازئ حیات

کھیلے بغیر ہار گئے مات ہو گئی

بے رزم دن گزار لیا رتجگا مناؤ

اے اہل بزم جاگ اٹھو رات ہو گئی

نکلے جو میکدے سے تو مسجد تھا ہر مقام

ہر گام پر تلافئ مافات ہو گئی

حد عمل میں تھی تو عمل تھی یہی شراب

رد عمل بنی تو مکافات ہو گئی

اب شکر ناقبول ہے شکوہ فضول ہے

جیسے بھی ہو گئی بسر اوقات ہو گئی

وہ خوش نصیب تم سے ملاقات کیوں کرے

دربان ہی سے جس کی مدارات ہو گئی

ہر ایک رہنما سے بچھڑنا پڑا مجھے

ہر موڑ پر کوئی نہ کوئی گھات ہو گئی

یاروں کی برہمی پہ ہنسی آ گئی حفیظؔ

یہ مجھ سے ایک اور بری بات ہو گئی

کنج میں بیٹھا رہوں یوں پر کھلا 

کاش کے ہوتا قفس کا در کھلا 

ہم پکاریں اور کھلے یوں کون جائے

یار کا دروازہ پاویں گر کھلا 

ہم کو ہے اس راز داری پر گھمنڈ 

دوست کا ہے راز دشمن پر کھلا 

واقعی دل پر بھلا لگتا تھا داغ 

زخم لیکن داغ سے بہتر کھلا 

مفت کا کس کو برا ہے بدرقہ 

رہروی میں پردۂ رہبر کھلا  

ہم پکاریں اور کھلے یوں کون جائے

یار کا دروازہ پاویں گر کھلا 

ہم کو ہے اس راز داری پر گھمنڈ 

دوست کا ہے راز دشمن پر کھلا 

واقعی دل پر بھلا لگتا تھا داغ 

زخم لیکن داغ سے بہتر کھلا 

مفت کا کس کو برا ہے بدرقہ 

رہروی میں پردۂ رہبر کھلا 

نامے کے ساتھ آگیا پیغامِ مرگ 

رہ گیا خط میری چھاتی پر کھلا 

دیکھیو غالبؔ سے گر الجھا کوئی 

ہے ولی پوشیدہ اور کافر کھلا

۔۔۔۔۔۔۔۔۔۔۔۔۔

مرزا غالب

...

مرزا غالب 

دیکھنے کے لیے اک شرط ہے منظر ہونا

دوسری شرط ہے پھر آنکھ کا پتّھر ہونا

وہاں دیوار اٹھا دی مرے معماروں نے

گھر کے نقشے میں مقرّر تھا جہاں در ہونا

مجھ کو دیکھا تو فلک زاد رفیقوں نے کہا

اس ستارے کا مقدّر ہے زمیں پر ہونا

باغ میں یہ نئی سازش ہے کہ ثابت ہو جائے

برگِ گُل کا خس و خاشاک سے کم تر ہونا

میں بھی بن جاؤں گا پھر سیلِ ہوا سے کشتی

رات آ جائے تو پھر تم بھی سمندر ہونا

وہ مرا گرد کی مانند ہوا میں اُڑنا

پھر اسی گرد سے پیدا مرا لشکر ہونا

در بہ در ٹھوکریں کھائیں تو یہ معلوم ہوا

گھر کسے کہتے ہیں کیا چیز ہے بے گھر ہونا

کیسا گرداب تھا وہ ترکِ تعلق تیرا

کام آیا نہ مرے میرا شناور ہونا

تُم تو دشمن بھی نہیں ہو کہ ضروری ہے سلیمؔ

میرے دشمن کے لیے میرے برابر ہونا

ماخذ:کُلّیاتِ سلیمؔ احمد 

میڈا عشق وی تُوں ۔۔۔۔۔ میڈا یار وی تُوں                

میڈا دین وی تُوں ۔۔۔۔۔ ایمان وی تُوں

میڈا جسم وی تُوں ۔۔۔۔۔ میڈا روح وی تُوں

میڈا قلب وی تُوں ۔۔۔۔۔ جند جان وی تُوں

میڈا قبلہ ۔۔۔۔۔ کعبہ ۔۔۔۔۔ مسجد ۔۔۔۔۔ ممبر

مصحف تے قرآن وی تُوں

میڈے فرض فریضے ۔۔۔۔۔ حج ۔۔۔۔۔ زکاتاں

صوم صلات اذان وی تُوں

میڈی زاہد ۔۔۔۔۔ عبادت ۔۔۔۔۔ طاعت ۔۔۔۔۔ تقویٰ

علم وی تُوں ۔۔۔۔۔ عرفان وی تُوں

میڈا ذکر وی تُوں ۔۔۔۔۔ میڈا فکر وی تُوں

میڈا ذوق وی تُوں ۔۔۔۔۔ وجدان وی تُوں

میڈا سانول ۔۔۔۔۔ مٹھڑا ۔۔۔۔۔ شام سلوُنا

من موہن جانان وی تُوں

میڈا مرشد ۔۔۔۔۔ ہادی ۔۔۔۔۔ پیر طریقت

شیخ حقائق دان وی تُوں

میڈا آس ۔۔۔۔۔ اُمید تے کھٹیا وٹّیا

تکیہ مان تران وی تُوں

میڈا دھرم وی تُوں ۔۔۔۔۔ میڈا بھرم وی تُوں

میڈا شرم وی تُوں ۔۔۔۔۔ میڈا شان وی تُوں

میڈا دکھ سکھ ۔۔۔۔۔ روون ۔۔۔۔۔ کھلن وی تُوں

میڈا درد وی تُوں ۔۔۔۔۔ درمان وی تُوں

میڈا خوشیاں دا اسباب وی تُوں

میڈے سُولاں دا سامان وی تُوں

میڈا حسن تے بھاگ ۔۔۔۔۔ سہاگ وی تُوں

میڈا بخت تے نام نشان وی تُوں

میڈا دیکھن بھالن ۔۔۔۔۔ جاچن جُوچن

سمجھن جان سنجان وی تُوں

میڈے ٹھڈرے ساہ تے ۔۔۔۔۔ مونجھ منجھاری

ہنجواں دا طوفان وی تُوں

میڈے تلک تلولے ۔۔۔۔۔ سیندھاں مانگاں

ناز نہورے تان وی تُوں

مینڈی مہندی ۔۔۔۔۔ کجّل ۔۔۔۔۔ مُساگ وی تُوں

میڈی سرخی ۔۔۔۔۔ بیڑا ۔۔۔۔۔ پان وی تُوں

میڈی وحشت ۔۔۔۔۔ جوش ۔۔۔۔۔ جنون وی تُوں

میڈا گریہ آہ فغان وی تُوں

میڈا شعر عروض قوافی تُوں

میڈا بحر وی تُوں اوزان وی تُوں

میڈا اوّل آخر ۔۔۔۔۔ اندر باہر

ظاہر تے ۔۔۔۔۔ پنہان وی تُوں

میڈا فردا تے دیروز وی تُوں

الیوم وی تُوں الآن وی تُوں

میڈا بادل برکھا ۔۔۔۔۔ کھمنیاں ۔۔۔۔۔ گاجاں

بارش تے ۔۔۔۔۔ باران وی تُوں

میڈا مُلک ملہیر تے ۔۔۔۔۔ مارُو تھلڑا

روہی ۔۔۔۔۔ چولستان وی تُوں

جے یار فرید قبول کرے

سرکار وی تُوں ۔۔۔۔۔ سُلطان وی تُوں

نہ تاں کہتر ۔۔۔۔۔ کمتر ۔۔۔۔۔ احقر ۔۔۔۔۔ ادنیٰ

.لاشئے ۔۔۔۔۔ لا امکان وی تُوں۔۔۔

اس ناز اس انداز سے تم ہائے چلو ہو

کلیم عاجز

اس ناز اس انداز سے تم ہائے چلو ہو 

روز ایک غزل ہم سے کہلوائے چلو ہو 

رکھنا ہے کہیں پاؤں تو رکھو ہو کہیں پاؤں 

چلنا ذرا آیا ہے تو اترائے چلو ہو 

دیوانہ گل قیدئ زنجیر ہیں اور تم 

کیا ٹھاٹ سے گلشن کی ہوا کھائے چلو ہو 

مے میں کوئی خامی ہے نہ ساغر میں کوئی کھوٹ 

پینا نہیں آئے ہے تو چھلکائے چلو ہو 

ہم کچھ نہیں کہتے ہیں کوئی کچھ نہیں کہتا 

تم کیا ہو تمہیں سب سے کہلوائے چلو ہو 

زلفوں کی تو فطرت ہی ہے لیکن مرے پیارے 

زلفوں سے زیادہ تمہیں بل کھائے چلو ہو 

وہ شوخ ستم گر تو ستم ڈھائے چلے ہے 

تم ہو کہ کلیمؔ اپنی غزل گائے چلو ہو

دسمبر اب کے آؤ تو

تم اُ س شہرِ تمنّا کی خبر لانا

کہ جس میں جگنوؤں کی کہکشائیں جھلملاتی ہیں

جہاں تتلی کے رنگوں سے فضائیں مسکراتی ہیں

وہاں چاروں طرف خوشبو وفا کی ہے

اور اُس کو جو بھی پوروں سے

نظر سے چھو گیا

پل بھرمہک اُٹھا

دسمبر اب کے آؤ تو

تم اُ س شہرِ تمنّا کی خبر لانا

جہاں پر ریت کئے ذرّے ستارے ہیں

گل و بلبل ، مہ و انجم وفا کے استعارے ہیں

جہاں دل وہ سمندر ہے، کئی جس کے کنارے ہیں

جہاں قسمت کی دیوی مٹھیوں میں جگمگاتی ہے

جہاں دھڑکن کی لے پر بے خودی نغمہ سُناتی ہے

دسمبر! ہم سےمت پوچھہ ہمارے شہر کی بابت

یہاں آنکھوں میں گزرے کارواں کی گرد ٹہری ہے

محبّت برف جیسی ہے یہاں، اور دھوپ کھیتوں میں اُگتی ہے

یہاں جب صبح آتی ہے تو۔۔ شب کے

سارے سپنے راکھہ کے اک ڈھیر کی صورت میں ڈھلتے ہیں

یہاں جذبوں کی ٹوٹی کرچیاں آنکھوں میں چبھتی ہیں

یہاں دل کے لہو میں اپنی پلکوں کو

ڈبو کر ہم سُنہرے خواب بُنتے ہیں پھر

اُن خوابوں میں جیتے ہیں

اُنہی خوابوں میں مرتے ہیں

دریدہ روح کو لفظوں سے سینا گو نہیں ممکن

مگر پھر بھی۔۔

دسمبر! اب کے آؤ تو

تم اُ س شہرِ تمنّا کی خبر لانا

فا خرہ بتول

ﺍﮮ ﺷﺨﺺ! ﺍﮔﺮ ﺟﻮﺵؔ ﮐﻮ ﺗُﻮ ﮈُﮬﻮﻧﮉﻧﺎ ﭼﺎﮨﮯ​

ﻭﮦ ﭘِﭽﮭﻠﮯ  ﭘﮩﺮ  حلقہِ ﻋﺮﻓﺎﮞ  ﻣﯿﮟ  ﻣﻠﮯ  ﮔﺎ​

ﺍﻭﺭ   ﺻُﺒﺢ   ﮐﻮ   ﻭﮦ   ﻧﺎﻇﺮِ   ﻧﻈّﺎﺭۂ   ﻗﺪﺭﺕ​

ﻃﺮﻑِ  ﭼﻤﻦ ﻭ ﺻﺤﻦِ   ﺑﯿﺎﺑﺎﮞ  ﻣﯿﮟ  ﻣﻠﮯ  ﮔﺎ​

ﺍﻭﺭ ﺩﻥ  ﮐﻮ  ﻭﮦ  ﺳﺮ گشتہِ  ﺍﺳﺮﺍﺭ  ﻭ  ﻣﻌﺎﻧﯽ​

ﺷﮩﺮِ   ﮨﻨﺮ  ﻭ  ﮐﻮﺋﮯ   ﺍﺩﯾﺒﺎﮞ   ﻣﯿﮟ   ﻣﻠﮯ  ﮔﺎ​

ﺍﻭﺭ  ﺷﺎﻡ   ﮐﻮ  ﻭﮦ  ﻣﺮﺩِ  ﺧُﺪﺍ،  ﺭِﻧﺪِ  ﺧﺮﺍﺑﺎﺕ​

ﺭﺣﻤﺖ   ﮐﺪہِ  ﺑﺎﺩﮦ   ﻓﺮﻭﺷﺎﮞ  ﻣﯿﮟ  ﻣﻠﮯ  ﮔﺎ​

ﺍﻭﺭ  ﺭﺍﺕ  ﮐﻮ  ﻭﮦ  ﺧﻠﻮﺗﯽِ  ﮐﺎﮐﻞ  ﻭ  ﺭُﺧﺴﺎﺭ​

ﺑﺰﻡِ  ﻃﺮﺏ  ﻭ  ﮐﻮچہِ  ﺧﻮﺑﺎﮞ  ﻣﯿﮟ  ﻣﻠﮯ  ﮔﺎ​

ﺍﻭﺭ ﮨﻮ ﮔﺎ  ﮐﻮﺋﯽ  ﺟﺒﺮ، ﺗﻮ  ﻭﮦ  ﺑﻨﺪہِ  ﻣﺠﺒُﻮﺭ​

ﻣُﺮﺩﮮ ﮐﯽ ﻃﺮﺡ ﺧﺎنہِ  ﻭﯾﺮﺍﮞ  ﻣﯿﮟ  ﻣﻠﮯ  ﮔﺎ​

ﺟﻮﺵؔ ﻣﻠﯿﺢ ﺁﺑﺎﺩﯼ